വടക്കാഞ്ചേരിയില്‍ ട്രെയിനില്‍ ടിക്കറ്റ് പരിശോധനക്കെത്തിയ ടി.ടി.ഇ.ക്ക് നേരെ അക്രമം. ടിടിഇയെ തള്ളിയിട്ട യാത്രക്കാരന്‍ സുഹൃത്തുമായി ഇറങ്ങിയോടി. ബെംഗളൂരു കന്യാകുമാരി എക്‌സപ്രസില്‍ ഇന്നുച്ചയോടെയാണ് സംഭവം. ടിക്കറ്റ് എക്‌സാമിനര്‍ മനോജ് കെ.വര്‍മ്മക്ക് നേരെയാണ് അക്രമമുണ്ടായത്. ലോക്കല്‍ ടിക്കറ്റുമായി റിസര്‍വേഷന്‍ കോച്ചില്‍ യാത്ര ചെയ്തത് ചോദ്യം ചെയ്തതോടോയാണ് യാത്രകകാരന്‍ അക്രമം നടത്തിയത്.
പിന്നീട് ആർ.പി.എഫിന്റെ സഹായത്തോടെ നടത്തിയ പരിശോധനയിൽ എ.സി കോച്ചിലെ ശുചിമുറിയിൽനിന്ന് പിടികൂടുകയായിരുന്നു. പിന്നീട് യാത്രക്കാരുടെ മുന്നിൽവെച്ച് ഇയാളുടെ ബാഗ് പരിശോധിച്ചപ്പോഴാണ് കഞ്ചാവ് കണ്ടെത്തിയത്. സംഭവവുമായി ബന്ധപ്പെട്ട് രണ്ട് പേരെ എറണാകുളത്ത് ആര്‍.പി.എഫ്. കസ്റ്റഡിയിലെടുത്തിട്ടുണ്ട്.