കുവൈറ്റ് : കമ്പനി ജീവനക്കാര് താമസിച്ച കെട്ടിടത്തില് തീപിടിത്തമുണ്ടായ സംഭവത്തില് കൂടുതല് വിവരങ്ങള് പുറത്ത്. സെക്യൂരിറ്റി കാബിനില് നിന്നാണ് തീ പടര്ന്നതെന്നാണ് വിവരം. അപകടത്തില് മരിച്ചത് 49 ഇന്ത്യക്കാരെന്നാണ് ഔദ്യോഗിക സ്ഥിരീകരണം. ഇതില് 46 പേരെ തിരിച്ചറിഞ്ഞു. മൂന്ന് പേരെ തിരിച്ചറിയാനുണ്ടെന്നും നോര്ക്ക റൂട്ട്സ് സിഇഒ അജിത് കോളശ്ശേരി.
25 മലയാളികള് മരിച്ചതായാണ് അനൗദ്യോഗിക വിവരം. 23 മലയാളികളെ തിരിച്ചറിഞ്ഞിട്ടുണ്ട്. 40 പേര് വിവിധ ആശുപത്രികളില് ചികിത്സ തേടി. ഒമ്പത് പേരുടെ നില ഗുരുതരമാണ്. ചികിത്സയില് കഴിയുന്നതില് കൂടുതല് പേരും മലയാളികളാണ്.