മഴ കനത്തതോടെ കയ്പമംഗലം പഞ്ചായത്തിൽ വെള്ളക്കെട്ട് രൂക്ഷമായി. കൂരിക്കുഴി സലഫി നഗർ വടക്ക് ഭാഗത്ത് നിരവധി വീടുകളിൽ വെള്ളം കയറി. ഇവരെ മാറ്റിപ്പാർപ്പിക്കുന്നതിനായി പള്ളിനട ആർ.സി.യു.പി. സ്കൂളിൽ ക്യാമ്പ് തുറന്നിട്ടുണ്ട്. സലഫി നഗറിൽ നിന്നുള്ള രണ്ട് കുടുംബങ്ങൾ ക്യാമ്പിലെത്തിയിട്ടുണ്ട്.
കൂടുതൽ പേര് ഉടൻ എത്തിയേക്കും. വെള്ളം കയറിയ പ്രദേശങ്ങളിൽ പഞ്ചായത്ത് പ്രസിഡൻ്റ് ശോഭന രവിയും, വില്ലേജ് ഓഫീസർ മുഷ്താക്കും, വാർഡ് മെമ്പർ സൈനുൽ ആബദീനും സന്ദർശനം നടത്തി. കാളമുറി മേഖലയിലും വീടുകളിൽ വെള്ളം കയറിയിട്ടുണ്ട്.