കവിയും എഴുത്തുകാരനുമായ ഹിരണ്യന്‍(70) ഇന്നു പുലര്‍ച്ചയ്ക്ക് മൂന്നു മണിക്ക് അന്തരിച്ചു . സുല്‍ത്താന്‍ ബത്തേരി സെന്റ്‌ മേരീസ് കോളേജ്, മലപ്പുറം ഗവണ്മെന്‍റ് കോളേജ് , കൊടുങ്ങല്ലൂര്‍ കെ.കെ.ടി.എം.ഗവണ്മെന്‍റ് കോളേജ് ,തൃശ്ശൂര്‍ അച്യുതമേനോന്‍ ഗവണ്മെന്‍റ് കോളേജ് , എന്നീ കോളേജുകളില്‍ ,മലയാളം അധ്യാപകന്‍ ആയിരുന്നു .
ഭാര്യ പരേതയായ, എഴുത്തുകാരിയും ഗവണ്മെന്‍റ് കോളേജ് അധ്യാപികയും ആയിരുന്ന ഗീത ഹിരണ്യന്‍ . മക്കള്‍ ഉമ ഹിരണ്യന്‍ , ആനന്ദ് കൃഷ്ണന്‍ . മരുമകന്‍ കെ.കെ.കൃഷ്ണകുമാര്‍ . മൃതദേഹം സാഹിത്യ അക്കാദമിയില്‍ പതിനൊന്നര മുതല്‍ പന്ത്രണ്ടര വരെ പൊതുദര്‍ശനത്തിന് വെയ്ക്കും . സംസ്കാരം തൃശ്ശൂര്‍ അമ്മാടത്തുള്ള കടവത്ത് ഉള്ളന്നൂര്‍ ഇല്ലത്ത് വെച്ച് ഇന്ന് വൈകീട്ട് നാല് മണിക്ക് .