എരുമപ്പെട്ടി : എരുമപ്പെട്ടി വെള്ളറക്കാട് മനപ്പടിയിൽ സ്കൂട്ടറുകൾ കൂട്ടിയിടിച്ചുണ്ടായ അപകടത്തിൽ പരിക്കേറ്റ് ചികിത്സയിലായിരുന്ന ഗൃഹനാഥ മരണപ്പെട്ടു. വെള്ളുത്തേരി അമ്പലത്തുവീട്ടിൽ അബ്ദുസലാമിന്റെ ഭാര്യ ഷംസിയ(47) യാണ് മരണപ്പെട്ടത്.
കഴിഞ്ഞ ശനിയാഴ്ച ഭർത്താവ് അബ്ദുൽ സലാമുമായി സ്കൂട്ടറിൽ സഞ്ചരിക്കവേ സ്കൂട്ടർ റോഡരികിലേക്ക് തിരിക്കുന്നതിനിടയിൽ എതിരെ വന്ന മറ്റൊരു സ്കൂട്ടറുമായി കൂട്ടിടിക്കുകയായിരുന്നു. അപകടത്തിൽ അബ്ദുൽ സലാമിനും കൂട്ടിടിച്ച സ്കൂട്ടറിലെ യാത്രികക്കും പരിക്ക് പറ്റിയിരുന്നു. സാരമായ പരിക്ക് പറ്റിയ ഷംസിയ തൃശ്ശൂരിലെ സ്വകാര്യ ആശുപത്രിയിൽ ചികിത്സയിലായിരുന്നു.