ഒല്ലൂർ : ബൈക്കിൽ എത്തി സ്ത്രീകളുടെ മാല മോഷ്ടിക്കുന്ന സംഘത്തിലെ ഒരാളെ കൂടി ഒല്ലൂർ പോലീസും, കമ്മീഷണറുടെ നേതൃത്വത്തിലുള്ള സ്പെഷൽ സ്ക്വാഡും ചേർന്ന് അറസ്റ്റ് ചെയ്തു . ആലപ്പുഴ സ്വദേശി അമ്പാടിയിൽ വീട്ടിൽ പ്രദീപ് (40) ആണ് അറസ്റ്റിലായത്. കേസിലെ ഒരു പ്രതി ആലപുഴ താമരകുളം സ്വദേശി സനൽ, (37 ) നെ നേരത്തെ അറസ്റ്റ് ചെയ്തിരുന്നു. ഇരുവരെയും മോഷണം നടന്ന വിവിധ സ്ഥലങ്ങളിൽ എത്തിച്ച് തെളിവെടുപ്പ് നടത്തി .
കഴിഞ്ഞമാസം 26 27 തീയതികളിലായി ഒല്ലുർ , തലോർ, ഇളംതുരുത്തി, അഞ്ചേരി, കേശവപടി , വിയ്യൂർ, വടക്കഞ്ചേരി, തൃശ്ശൂർ തുടങ്ങിയ സ്ഥലങ്ങളിൽ നിന്നാണ് പ്രതികൾ ബൈക്കിൽ എത്തി മാല മോഷണം നടത്തിയത്.