ചാലക്കുടി : അതിരപ്പിള്ളിയിൽ വനവിഭവങ്ങൾ ശേഖരിക്കാൻ പോയ ആദിവാസി യുവാവിന് പാമ്പുകടിയേറ്റു. വാച്ചുമരം മലയൻ കോളനിയിൽ പുഷ്പാകരനാണ് (42 വയസ്സ് ) പാമ്പുകടിയേറ്റത്. വ്യാഴാഴ്ച രാവിലെയാണ് മരത്തിൽ തൂങ്ങിക്കിടന്ന ചുരുട്ട ഇനത്തിൽപ്പെട്ട പാമ്പ് തലയിൽ കടിച്ചത്.
കോളനിയിലെ വൈദ്യനെ‌ക്കൊണ്ട് ചികിത്സിപ്പിച്ചെങ്കിലും വൈകുന്നേരമായതോടെ നീര് കൂടുകയും വേദന അസഹ്യമാകുകയും ചെയ്തതോടെ വെറ്റിലപ്പാറ കുടുംബാരോഗ്യ കേന്ദ്രത്തിന്റെ കീഴിലുള്ള 108 ആംബുലൻസിൽ ചാലക്കുടി താലൂക്ക് ആശുപത്രിയിൽ പ്രവേശിപ്പിച്ചു.