കൊടുങ്ങല്ലൂർ പുല്ലൂറ്റ് തെരുവുനായക്കൂട്ടം അമ്പതോളം കോഴികളെ കൊന്നൊടുക്കി. മഞ്ഞനപ്പള്ളിക്ക് സമീപം വട്ടപ്പറമ്പിൽ അബ്ദുൾ റസാഖിൻ്റെ വീട്ടിലെ കൂട്ടിൽ വളർത്തിയിരുന്ന കോഴികളെയാണ് നായ്ക്കൾ കൊന്നത്. കൂടിന്റെ വല കടിച്ചുമുറിച്ചാണ് നായകൾ അകത്തുകടന്നത്.
മുട്ടയിടുന്ന കോഴികളായിരുന്നു കൂടുതലും. അമ്പതോളം കോഴികളെ കൂട്ടിൽത്തന്നെ കൊന്നിട്ട നിലയിലായിരുന്നു. പത്തോളം കോഴികളെ നായകൾ സമീപത്തെ പറമ്പിൽ കൊണ്ടുപോയി തിന്നു.