തളിക്കുളം എസ്.എൻ.വി. യു. പി സ്കൂളിന്റെ വാർഷിക പൊതുയോഗം ബ്ലൂമിംഗ് ബഡ്സ് പ്രീ പ്രൈമറി വിദ്യാലയത്തിൽ നടന്നു. വാർഷിക പൊതുയോഗം സ്കൂൾ മാനേജർ ഇ.എ സുഗതകുമാർ ഉദ്ഘാടനം ചെയ്തു. പി.ടി.എ പ്രസിഡന്റ് ശാന്തിനി ഷണ്മുഖൻ അധ്യക്ഷത വഹിച്ച യോഗത്തിൽ ഹെഡ്മിസ്ട്രസ് പി.ബി സജിത സ്വാഗതമാശംസിച്ചു.
വിദ്യാലയത്തിലെ പ്രതിഭാധനരായ കുട്ടികൾക്ക് പി.ടി.എ ഏർപ്പെടുത്തിയിട്ടുള്ള എൻഡോവ്മെന്റുകൾ സ്കൂൾ മാനേജർ ഇ. എ സുഗതകുമാർ വിതരണം ചെയ്തു . LSS, USS വിജയികൾക്കുള്ള പുരസ്കാരം മുൻ ഹെഡ്മിസ്ട്രസ് എൻ. വി മിനി വിതരണം ചെയ്തു. മാതൃ സംഗമം പ്രസിഡന്റ് റസിയ ഷൈൻ ബ്ലൂമിങ് ബഡ്സ് പ്രിൻസിപ്പൽ ഇ. ആർ. അജിത തുടങ്ങിയവർ ആശംസകൾ അർപ്പിച്ച് സംസാരിച്ചു. വാർഷിക പൊതുയോഗത്തിൽ കെ.കെ സോഫി നന്ദി രേഖപ്പെടുത്തി.