നാട്ടിക ബീച്ചില്‍ മത്സ്യബന്ധന ബോട്ട് നിയന്ത്രണം വിട്ട് കരയിലേക്ക് ഇടിച്ച് കയറി. ഇന്നു പുലർച്ചെയാണ് നാട്ടിക ബീച്ചിന് തെക്കുഭാഗത്തായി മീൻപ്പിടുത്ത ബോട്ട് തീരത്തേയ്ക്ക് കയറിയ നിലയിൽ കണ്ടെത്തിയത്. സ്രാങ്ക് ഉറങ്ങിയതിനെ തുടര്‍ന്ന് ദിശതെറ്റി ബോട്ട് കരയിലേക്ക് ഇടിച്ച് കയറുകയായിരുന്നു.
പതിനഞ്ചോളം തൊഴിലാളികളുമായി മുനമ്പത്ത് നിന്നും പുറപ്പെട്ട ഫീനിക്‌സ് എന്ന ബോട്ടാണ് നാട്ടിക ബീച്ചിലെ നാഗയക്ഷി ക്ഷേത്രത്തിന് സമീപം കരയിലേക്ക് ഇടിച്ച് കയറിയത്. തൊഴിലാളികൾ എല്ലാം സുരക്ഷിതരാണ്.