പൂങ്ങോട് ഫോറസ്റ്റ് സ്റ്റേഷനു സമീപം ലോറി കാനയിലേക്ക് മറിഞ്ഞ് അപകടത്തിൽപ്പെട്ടു. കോഴിക്കോട് മുക്കത്ത് നിന്നും വടക്കാഞ്ചേരിയിലേക്ക് മരം കയറ്റാൻ പോവുകയായിരുന്ന വാഹനമാണ് അപകടത്തിൽപ്പെട്ടത്. നിയന്ത്രണം വിട്ട ലോറി പാതയോരത്തെ കാനയിലേക്ക് മറിയുകയായിരുന്നു എന്നാണ് വിവരങ്ങൾ. വാഹനത്തിൽ ഉണ്ടായിരുന്നവർ പരിക്കേൽക്കാതെ രക്ഷപ്പെട്ടു. പുലർച്ചെയായിരുന്നു സംഭവം.